წმ. მარკოზ მონაზონი (განშორებული) - ციტატები, ამონარიდები

63. უგულისყურობა ძნელად დამტევია რაიმე ძალისამებრი სიკეთისა, თუმცა მოწყალება და ლოცვა უკუიხმობს უგულისყუროთ (ე.ი. აღმოფხვრის მათში უგულისყურობას, დაუდევრობას, გულაყრილობას, და კვლავ ღვაწლისკენ მოაბრუნებს მათ).

62. შენი უკეთურებანი გამოიწვლილე და არა შენი ახლობლისა. ასეთ შემთხვევაში არც შენი გონითი სამჭედლო განიძარცვება.

60. წერილი ამბობს: "ჯოჯოხეთი და წარწყმედა ცხადია უფლის წინაშე" (იგავ.15.11), ამას კი იგი გულისმიერი უმეცრებისა და დავიწყების შესახებ ამბობს. 61. მართლაც, ჯოჯოხეთი უმეცრებაა, რადგან ორივე მათგანი მოკლებულია სიცხადეს, წარწყმედა კი დ... იხილეთ სრულად

59. რაც გახსოვს სიკეთე, ის აკეთე, და რაც არ გახსოვს, გაგეცხადება შენ. ამიტომაც არანაირად არ მისცე განუსჯელ დავიწყებას შენი ფიქრი.

58. ნუ ამბობ: "რა ვქნა, რადგან არ მინდა და მოდის (ე.ი. ღმერთის დავიწყება). ეს ხდება იმიტომ, რომ, გახსოვდა რა უფალი, უგულებელყოფდი იმას, რისი ვალდებულებაც გქონდა (იგულისხმება, რომ თუნდაც ღმერთი გვახსოვდეს, მაგრამ მის მცნებებს, ჩვენ... იხილეთ სრულად

57. დავიწყებას თავისთავად არავითარი ძალა არა აქვს, მაგრამ ჩვენეულ უგულისყურობათაგან გამომდინარე, მათ შესაბამისად, ძლიერდება

56. ყოველგვარი არანებსითი გაჭირვება გახდეს შენთვის ამგვარი გახსენების (ღვთის გახსენების) მასწავლებელი და არ მოგაკლდება შენ მიზეზი სინანულისთვის.

55. სამწუხარო შემთხვევა ღვთის გახსენებას აღუძრავს გონიერს და, შესაბამისად, ტანჯავს ღვთის დამვიწყებელს.

54. აუცილებლობის გარეშე მცოდველისთვის ძნელად მოსანანიებელია, რაც ჩაიდინა, რადგან ვერ დაეფარება იგი ღვთის სამართალს.

53. ნურაფერს იფიქრებ, ნურც იმოქმედებ საღვთო მიზანდასახულობის გარეშე, რადან უმიზნოდ მოგზაური ფუჭად დამაშვრალობს.