წმ. ეპისკოპოსი გაბრიელი (ქიქოძე) - ციტატები, გამონათქვამები

თუ განსაცდელი გეწვია, ღმერთს მადლობა შესწირე, მოითმინე და თავი დაიმდაბლე

ყოველი განსაცდელი დიდი ყურადღებითა და გონიერებით უნდა მოვიხმაროთ. პირველ რიგში, ბოროტებამ არ უნდა დაგვაღონოს და მხნეობა არ უნდა დაგვაკარგინოს; მეორედ, უნდა ეცადო, რომ განსაცდელი შენს სასარგებლოდ გადააქციო, მწუხარებიდან სიხარული გა... იხილეთ სრულად

განსაცდელი გამაფრთხილებელია კაცისა, ყურძნის მტევანი თუ არ გაიჭყლიტა, ღვინო არ დადგება, მსგავსადვე, კაცის სული თუ არ შევიწროვდა, კარგ ნაყოფს ვერ გამოიღებს

განსაცდელის გარეშე სულიერი წარმატება შეუძლებელია: იგი აზრს აღამაღლებს, ცნობიერებას წმენდს, და ზნეობას ასწორებს.

ღმრთის განგებით კაცს განსაცდელი იმისთვის შეემთხვევა, რომ კაცმა თავისი ღირსება შეაფასოს და საკუთარი თავი შეიცნოს.

განსაცდელი ისეთ შემთხვევას ეწოდება, რომელიც კაცს რომელიმე ცოდვაში ჩააგდებს. ადამიანს შეუძლია, წინასწარ გამოიცნოს, სად, ან ვისთან, ან რომელ საქმეში ნახავს განსაცდელს და თავი აარიდოს მას.

თუ ღმერთთან საუბარი ანუ, ლოცვა ისწავლე და ღმერთის პირის წინაშე კეთილი გრძნობით იქცევი, სული შენი განიწმიდება და ამაღლდება, რაც კი შენში უკეთური, უწმინდური და ხენეშია - ყოველივე დაჩვილდება და დადნება, ხოლო შენ კეთილი, კაცთმოყვარე დ... იხილეთ სრულად

ლოცვა პირდაპირი და მჭიდრო კავშირია, იგი კაცის სულის ღმერთთან შეერთებაა

ლოცვის კიდევ ერთი და ამასთანავე - უმაღლესი თვისება ისაა, რომ ამ დროს კაცი ღმერთის წინაშე დგას.

ვინც იგრძნო ტკბილი გემო ლოცვისა, ცხოვრების სიმძიმეს ადვილად იტვირთავს