ბერის დიადემა - ციტატები, ამონარიდები
არის ისეთი ფული, რომელშიც იუდას წილი დევს, თუ ასეთი ფული შემოგწირეს, ნუ აიღებ, დამღუპველია, აუცილებლად ჩაგაგდებს ცოდვაში და მდგომარეობიდან ვეღარ გამოხვალ
ცხოვრებაში ისეთი ცოდვა არ არსებობს, რის შენდობაც უფალს არ შეეძლოს აღსარება-ზიარების გზით
ღვთის გმობა ის არის, როცა ადამიანი ღვთის რწმენით, ეკლესიურად არ ცხოვრობს
უტიფარია ადამიანი, ვინც თავის ცოდვებს ვერ ხედავს და თავი მოაქვს. ყოველი ამაყი და ამპარტავანი გულითა, საძაგელი არს უფლის წინაშე
თუ არ დაეცი, ღვთის ძალას ვერ შეიცნობ. მე რომ ცოდვილი არ ვიყო, ცოდვილებს რა შემაყვარებდა
კაცმა გზა თვითონ უნდა დაილოცოს თავსი კეთილი გადაწყვეტილებით. როგორც ივლი, გზაც ისეთი გექნება, ადამიანს ღმერთმა თავისუფალი ნება მისცა... მე რა უფლება მაქვს ან ასე ვთქვა, ან ისე
ეკუმენიზმი ერესთა ერესია. მართლმადიდებლური ეკლესია აზვირთებულ ოკეანეში მცურავი ხომალდია, რომელშიც ჩვენ, მართლმადიდებლები ვსხედვართ, სხვა სარწმუნოების ხალხი მხარულით მიცურავს
შენ უფალმა მართლმადიდებლად გაგაჩინა, მთავარია შენ მტკიცედ იდგე შენს სარწმუნოებაზე, არ ცდუნდე. სხვა აღმსარებლობის ადამიანი ცხონდება, თუ არა, იმათ უფალი მიხედავს
ღვთისათვის ერი და ბერი რამ გაყო, ადამიანი დაუღალავად უნდა მიიწსრაფოდეს ღვთისაკენ, ერისკაცი იქნება ის თუ ბერი, ბოლომდე განა ვინ მიაღწევს სრულყოფილებას, მაგრამ კაცი ამ მისწრაფებით ცხონდება, ბერს ბერისა მოეთხოვება, ერისკაცს ერისა