ციტატები, ამონარიდები ჩანაწერებიდან, წიგნებიდან

ქედმაღლობა ბოროტებათა შორის უდიდესი ბოროტებაა. ის ურჩი გულისსიტყვების მეშვეობით ყველა ჩვენი შეცდომის გამომწვევი მიზეზი ხდება.

სიმდაბლე საიმედო მეგზურია. იგი საშუალებას არ აძლევს თავმდაბალ ადამიანს, დაუდევრობის წყალქვეშა კლდეებზე დაიმსხვრეს, არამედ კარგი მეგზურივით უსაფრთხო გზას უჩვენებს მას.

გიყვარდეთ ერთმანეთი და ქედმაღლობის გამო თავს ნუ გაიმწარებთ.

თავი განვიკითხოთ და მაშინ ვპოვებთ მადლს

გიყვარდეთ, მოითმინეთ, სხვის შეცდომებზე თვალი დახუჭეთ, ნუ განრისხდებით, ნუ გაცეცხლდებით, შეუნდეთ ერთმანეთს, რომ ამით ქრისტეს მიემსგავსოთ და სასუფეველში მისი სიახლოვის ღირსნი გახდეთ.

განკითხვა ისეთივე მნიშვნელოვანი ცოდვაა, როგორც მოყვასის უძლურებების მოუთმენლობა.

ავადმყოფი არასდროს განიკითხავს ავადმყოფს

ერთმანეთის უძლურებანი უნდა მოითმინოთ.

რომელმან აღიმაღლოს თავი თვისი, იგი დამდაბლდეს!

ნუ განიკითხავთ ერთმანეთს, რადგან ამით სახარებისეულ მცნებას არღვევთ და „ყოველმან სჯულისა გარდამავალმან და ურჩმან მიიღოს სასჯელი კუალადგებისაი“ (ებრ. 2, 2). „შენ ვინ ხარ, რომელი განიკითხავ სხვისა მონასა?“ (რომ. 14, 4)