ციტატები, ამონარიდები ჩანაწერებიდან, წიგნებიდან

ერთმანეთის უძლურებანი უნდა მოითმინოთ.

რომელმან აღიმაღლოს თავი თვისი, იგი დამდაბლდეს!

ნუ განიკითხავთ ერთმანეთს, რადგან ამით სახარებისეულ მცნებას არღვევთ და „ყოველმან სჯულისა გარდამავალმან და ურჩმან მიიღოს სასჯელი კუალადგებისაი“ (ებრ. 2, 2). „შენ ვინ ხარ, რომელი განიკითხავ სხვისა მონასა?“ (რომ. 14, 4)

განკითხვა საშინელი ვნებაა

ჩვენ ყველას ღვთის მოწყალება განგვამტკიცებს. თუ ამპარტავნება მოგვეძალება, უფალი თავის მადლს განგვაშორებს და სხვებზე უარესები გავხდებით.

ფრთხილად იყავი, შვილო, არავინ განიკითხო, რადგან ვინც მოყვასს განიკითხავს, ღმერთი მის დაცემას დაუშვებს და ამით უძლური ძმის თანაგრძნობას ასწავლის.

თუ ლოცვის, სიმდაბლისა და გლოვის მეშვეობით საკუთარ თავში ჩაიკეტები, სულიერ საგანძურს აღმოაჩენ, ოღონდ განეშორე ამპარტავნებას და განკითხვას.

თუ ძმის საქციელი ან მონასტრის რაიმე საქმე განკითხვისკენ გიბიძგებს, შეეცადე ილოცო და შენებური ლოგიკით არ განსაჯო.

თითოეულმა თავი ყველაზე უარესად ჩავთვალოთ

ვინც ენას დაიცავს, ის თავის სულს დაიცავს დიდი ცოდვებისა და დაცემისგან.