image
image
1
2
3
4
image
image
Loading..
image

თემა: კეთილი ზრახვები

962. შეიძლება თუ არა ჩემი მოყვასის მანკიერებათა და შეცოდებათა გამოძიება?ნუ ისურვებ მოყვასის მანკიერებათა და შეცოდებათა ცოდნას და ნუ მიიღებ მის მიმართ მტრებისაგან ჩაგონებულ ეჭვებს. და თუკი ასეთი ეჭვები ითესება კიდეც ჩვენში ჩვენივ საკუთარი მანკიერების მიზეზით, ეცადე, კეთილ ზრახვებად გადააქციო ისინი.
link
image

თემა: ბზობა

408. როგორ განმატავენ წმ. მამები ბზობის დღესასწაულს?უფალი ჩოჩორზე დაჯდა (ჩოჩორი წარმართებს მოასწავებს), როგორც ამბობს წინასწარმეტყველი, რათა პირუტყვთა მიმსგავსებული ჩვენი ბუნება მოაქციოს ღვთის სიტყვამ და შეაერთოს იგი თავის ბუნებას.409. რას ნიშნავს ის, რომ მაცხოვარს პალმისა და ზეთისხილის რტოებით ეგებებოდნენ და ფერხქვეშ უფენდნენ?როცა მომხვდურ მტერს მეფე შეებრძოლება და გაიმარჯვებს, მას ხვდებიან პალმის რტოებით. ხოლო თუ მეფეს ავნებს მტერი, მაშინ ზეთისხილის რტოებით მიდის მასთან, ვისაც დახმარება და შეწევნა ძალუძს მეფისათვის, რადგან ზეთისხილის რტო წყალობას ნიშნავს. ამიტომ ჩვენც ვეგებებით ჩვენს მეუფეს იესო ქრისტეს პალმის რტოებით, როგორც მძლეს, რადგან მან სძლია კაცთა მოდგმის მტერს. ხოლო ზეთისხილის რტოებით იმიტომ ვეგებებით, რომ მისგან წყალობას ვითხოვთ.
link
image

თემა: ლოცვა,  სიმდაბლე

877. რა უნდა გვახსოვდეს, როდესაც უფალს ვევედრებით, რომ სიმდაბლის ნიჭი მოგვმადლოს?ყოველმა, რომელიც ევედრება ღმერთს, – „უფალო, მომმადლე მე სიმდაბლე“, უნდა იცოდეს, რომ იგი ღმერთს სთხოვს ისეთი ადამიანის მოვლინებას, რომელიც შეურაცხყოფას მიაყენებს მას.
link
image

თემა: სიტყვა,  მოწყალება

356. თუკი ღარიბი ვარ და არაფერი მაქვს, მოწყალება რომ გავცე, რა ვიღონო მაშინ?თუკი არ ძალგვიძს გასცე იმდენი, რისი გაცემაც მდიდარს შეუძლია, მაშინ ორი მწვლილი მაინც გაიღე მსგავსად ქვრივისა და დიდად შეიწირავს ღმერთი შენგან ასეთ წყალობას.357. ის ორი მწვლილიც რომ არ გამაჩნდეს?მაშინ უძლურს მოუარე. ესეც თუ არ შეგიძლია, სიტყვით ეცი ნუგეში მოყვასს შენსას და გაიხსენე წმ. წერილი, რომელიც ამბობს: „სიტყვა კეთილი უფროს არს მიცემისა“ (ზირ. 18.17).
link
image

თემა: ბერ მონაზვნობა

545. რატომ არტყიათ ღვთისმსახურთა და ბერ–მონაზონთ წელზე ტყავის სარტყელი?იმიტომ, რომ მზად ვიყოთ საქმისათვის, რადგან ყოველი კაცი საქმის აღსრულებისას პირველად წელზე მოირტყამს და ამგვარად შეუდგება საქმეს, როგორც წერია: „იყვნედ წელნი თქუენნი მორტყმულ“ (ლუკ. 12.35). მეორედ იმისათვის, რომ როგორც ტყავის სარტყელი არის დამზადებული მკვდარი გვამისაგან, ასევე, ჩვენ უნდა მოვაკვდინოთ ჩვენი გულისთქმები. ხოლო წელზე გვარტყია იგი და იქვეა თირკმელნი, რომელშიც არის სწორედ სულის გულისთქმა. ამიტომ ამბობს მოციქული: „მოაკუდინენით უკუე ასონი თქუენნი ქუეყანასა ზედა: სიძვა, არა–წმიდება“ და ა.შ. (კოლ. 3.5)
link
image 453. როგორ უნდა მოიქცეს ადამიანი, რომელსაც აქვს რაიმეს საჭიროება, მაგრამ ვერ იღებს მას?როცა ადამიანს აქვს რაიმეს საჭიროება და ვერ იღებს მას, ევალება თქვას: „ღმერთმა ჩემზე უკეთი იცის, ამიტომ ჩემთვის უმჯობესი რომ ყოფილიყო, წარმიძღვებოდა და მომცემდა მას“. თუ ადამიანი განსვენების ღირსია და საჭიროა მისი სულისთვის განსვენება, სარკინოზის გულსაც მოდრეკს ღემრთი, რომ განუსვენოს მას. ხოლო თუკი არ იქნება ღირსი, ან არ არის საჭირო მისთვის, ახალი ცა და ახალი მიწაც რომ შექმნას, მაინც ვერ იპოვის განსვენებას.
link
image

თემა: წუთისოფლის სიამოვნებანი

728. რას მოიპოვებს ისეთი ადამიანი, რომელიც ეძიებს მიწიერ კეთილდღეობას და ისეთი, ვინაც ზეციური სიკეთისაკენ მიილტვის?ისეთი ადამიანი, ვინც მიწიერ კეთილდღეობას ეძიებს, დაკარგავს მიწიერსაც და ზეციერსაც, ხოლო ის, ვინც ზეციური სიკეთეებისაკენ მიილტვის, ბატონია მთელს სამყაროში.
link
image

თემა: სიყვარული მოყვასისადმი

252. როგორ შევძლოთ მაცხოვრის მცნების აღსრულება "შეიყუარო მოყუასი შენი, ვითრცა თავი თვისი" (მათ. 22.39).ვთქვათ დგას ორი კიბე, რომელთაგან ერთს ზეცაში ავყავართ, ხოლო მეორე ჯოჯოხეთისკენ ეშვება, შენ კი მათ შორის დგახარ მიწაზე. ნუ იტყვი: როგორ მოვექცეო კიბის თავში? რადგან ეს შეუძლებელიცაა და არც ეძიებს ღმერთი შენგან ამას, არამედ დაიცავი თავი, რომ ქვემოთ არ ჩავარდე. ნუ უყოფ მოყვასს ბოროტს, ნურც აგინებ მას, ნურც შეასმენ, ნურც შეურაცხყოფ. ასე ცოტ–ცოტაობით იწყე კეთილის აღსრულება. ჯერ სიტყვით მოიმადლიერე იგი, შემდეგ შეეწიე, რითაც შეგეძლება და ნელ–ნელა ახვალ თითოეულ საფეხურზე და ღვთის შეწევნით მიაღწევ კიბის თავს. რადგან, როცა მოყვასს შეეწევი, შემდეგ მისთვის სიკეთე გსურს, როგორც საკუთარი თავისთვის და ეს არის სწორედ, "შეიყუარო მოყვასი შენი, ვითარცა თავი თვისი".
link
image

თემა: სახარების განმარტება,  სათნოებები

222. როგორ გავიგოთ მაცხოვრის სიტყვები: "ითხოვდით და მოგეცეს თქუენ, ეძიებდით და ჰპოოთ, ირეკდით და განგეღოს თქუენ" (მათ. 7.7)?თხოვნა ნიშნავს ღმერთისადმი ლოცვით ვედრებას. ძიება ნიშნავს, რომ ვეძიებდეთ სათნოებათა მოგებას, ანუ რა არის მათი მომპოვნებელი და როგორ შევიძინოთ ისინი. რეკვა სათნოებათა აღსრულებას ნიშნავს, რადგან ადამიანი ხელით რეკავს, ხოლო ხელი საქმის აღმნიშვნელია. ჩვენ გვევალება, რომ არა მარტო ვითხოვდეთ, არამედ ვეძიებდეთ და ვიქმოდეთ კიდეც.
link
image

თემა: ღვთის ნება,  სულიერი მოძღვარი,  საკუთარი ნების უარყოფა

48. მრავალნი იტყვიან: ჩემი მოძღვარი გამოუცდელია და ვერ მაძლევს სათანადო დარიგებას. სწორია თუ არა ასეთი მსჯელობა?თუ ვინმე ჭეშმარიტად დაიმდაბლებს თავს და დატოვებს თავის ნებას და სურს ღვთისათვის მთელი გულით მიენდოს თავის მოძღვარს, ასეთმა ჩვილ ბავშვსაც რომ ჰკითხოს, არ დატოვებს ღმერთი, არამედ განანათლებს ბავშვის გონებას, რათა ასწავლოს ღვთის ნება. ხოლო თუ სარწმუნოებითა და სიმდაბლით არ იკითხავს, როგორ აღასრულოს ღვთის ნება, ასეთმა წინასწარმეტყველსაც რომ ჰკითხოს, მისი გულისაებრ ეტყვის არასწორს და სწორადაც რომ უპასუხოს, ვერ აღასრულებს მის რჩევას და უფრო დიდ სასჯელს მიიღებს.
link
image
image
1
2
3
4
image
image