თემა: სიყვარული,  მოწყალება,  ღმრთისმეტყველება,  სიყვარული მოყვასისადმი

26. არა მარტო ქონების გაცემით გამოიხატება სიყვარული, არამედ კიდევ უფრო მეტად - ღვთის სიტყვის ქადაგებითა და ხორციელი შეწევნით.

link

თემა: სიმდიდრე,  პატივმოყვარეობა,  ათეიზმი ურწმუნოება

17. სიმდიდრის სიყვარულის სამი მიზეზი არსებობს: ავხორცობა, პატივმოყვარეობა და ურწმუნოება. პირველ ორზე უფრო ძლიერი ურწმუნოებაა.

link

თემა: ლოცვა,  სიწმინდე

88. თუკი ლოცვის დროს შენს გონებას არასდროს აბრკოლებს არანაირი მიწიერი ზრახვა, მაშინ იცოდე, რომ შენ არ იმყოფები უბიწოების მიღმა.

link

თემა: სხეული,  წუთისოფლის სიამოვნებანი

21. ვინც თავის სხეულს ტკბობათა და მათგან მომდინარე სნეულებათაგან იცავს, მისი სახით ჰყავს თანაშემწე უმჯობესისათვის სამსახურში.

link

თემა: ვნებები,  ვნებათაგან განთავისუფლება,  ამპარტავნება

40. ვნებათა უმოქმედობის ჟამს ამპარტავნობა წარმოიშობა, როცა მათი მიზეზები შეუმჩნეველია, ანდა როცა დემონები მზაკვრულად გარბიან.

link

თემა: სიყვარული,  ღვთის შემეცნება

32. როგორც მზის შუქი იზიდავს ჯანსაღ თვალს, ასევე ღვთის შემეცნებაც თავისთავად აღაფრთოვენებს წმინდა გონებას სიყვარულის მეშვეობით.

link

თემა: ღვთის შემეცნება,  სიწმინდე

98. ღმერთთან ის არის, ვინც შეიცნო წმინდა სამება, მისი ქმნილებანი და ზრახვანი და ვინც სულის ვნების წარმომშობ ნაწილს უბიწოდ იმარხავს.

link

თემა: მონაზონთათვის,  პატივმოყვარეობა,  ცხონება

63. არავინ გაცდუნოს, მდაბალო მონაზონო, იმ აზრით, რომ თითქოს შენი ცხონება შეიძლებოდეს, თუ ავხორცობასა და პატივმოყვარეობას ემსახურები.

link

თემა: სათნოებები,  ვნებათაგან განთავისუფლება,  ღვთის შემეცნება,  ლოცვა

43. სათნოებანი გონებას ვნებათაგან განაშორებს, სულიერი ჭვრეტა კი -უმნიშვნელო აზრებისაგან, ხოლო წმიდა ლოცვა მას თავად ღმერთთან მიიყვანს.

link

თემა: მონაზვნობა,  მონაზონთათვის

54. მონაზონია ის, ვინც თავისი გონება გრძნობად საგნებს განაშორა და თავშეკავებულობით, სიყვარულით, ფსალმუნებითა და ლოცვით ღმერთს მიეახლა.

link