ციტატები, ამონარიდები ჩანაწერებიდან, წიგნებიდან

ღვთის სიყვარული ადამიანისადმი სილის გაწვნითაც გამოიხატება

ასე სჩვევია უფალს – ჯერ გამოცდა და შემდეგ სიყვარულის ჩვენება

აქ, შვილო, მოთმინებით და სიმტკიცით გადავიხადოთ ჩვენი ცოდვების საზღაური, რომ სიკვდილის შემდეგ თავისუფლების ღირსნი გავხდეთ.

ასე აქვს ღმერთს განსაზღვრული თითოეული ადამიანის ცხოვრება

დამდაბლდი, ქრისტეს სიყვარულისთვის ყველა გიყვარდეს და ასე ცხონდები.

მარადიულზე იფიქრე და იმსჯელე. ეს ტკივილს დაგიამებს!

ჰო, შვილო, თავს ძალა დაატანე. ვიცი, რისგან და როგორ იტანჯები, მაგრამ მოთმინებაა საჭირო. რადგან ქრისტეც ითმენს, როცა მის წინაშე ვცოდავთ და ჩვენს სინანულს ელოდება.

მოითმინე, რადგან ქრისტეს მიმართ სიყვარული ამ დროს გამოჩნდება

სწორი გზიდან ნუ გადაუხვევ, სინდისის მხილებამ რომ არ დაგტანჯოს.

ეცადე, თავმდაბალი და ყურადღებიანი იყო და არ დაამწუხრო დედა იღუმენია; რასაც გეტყვის, რწმენით გააკეთე, რომ სასწაულებრივად ნახო, როგორ მოგეალერსება ღვთის ხელი!