image
image
6
7
8
Loading..
image

თემა: მშვიდობა

270. ესათნოება თუ არა ყოველნაირი მშვიდობა ღმერთს?ყოველნაირი მშვიდობა როდია საღმრთო მშვიდობა! რამეთუ არსებობს მშვენიერი უთანხმოებაც და არსებობს დამღუპველი ერთსულოვნებაც, წარმწყმედელი ერთიანობა. უნდა გვიყვარდეს მხოლოდ ჭეშმარიტი მშვიდობა და ჭეშმარიტი ერთიანობა, კეთილმიზანდასახული და ღმერთთან მიმყვანებელი. რადგან როცა საქმე აშკარა უკეთურებასთან გვაქვს, მაშინ ცეცხლში შესვლასაც არ უნდა მოვერიდოთ... არც დროისა და ხელმწიფეთა მოთხოვნებს უნდა დავემორჩილოთ... და არ უნდა მივემთხვიოთ სენშეყრილს.
link
image

თემა: ბერ მონაზვნობა

864. როგორ ახასიათებენ ჭეშმარიტ ბერებს წმ. მამები?ისინი არ განიცდიან იმ ნეკნის საჭიროებას, რომელსაც ეყვარებოდა საკუთარი სხეული, არ ეყრდნობიან ნორჩ ხელებს, ე.ი. თავიანთ შვილებს, არ სასოებენ ნათესავებსა და მეგობრებს, სისხლსა და ხორცს, რომელიც ცისკარსავე განქარდება; ქალაქებსა დასაზოგადოებაში მათ თავიანთი თავდაჯერებული სიმტკიცით როდი მოაქვთ თავი, არც სწრაფწარმავალ ადამიანურ დიდებას მიელტვიან; არამედ ღვთისაკენ მიაპყრობენ რა მთელს თავიანთ გონებას, ღვთაებრივ უმტკიცეს ლოდს მიაჯაჭვავენ საკუთარ გემბანს.
link
image

თემა: ცოლი

263. როგორ უნდა მოიქცეს ცოლი, თუკი მისმა მეუღლემ ზარალი იწვნია?რაოდენ მწყრალადაც არ უნდა იყო, ნურასოდეს უსაყვედურებ მეუღლეს მოწევნილი ზარალისათვის. რამეთუ შენთვის თავად იგია უმჯობესი მონაგები ყოველივე მოსაგებელზე. ნურც იმას უსაყვედურებ ქმარს ოდეს შედეგი მიზნისაებრ ვერ აღესრულება. უსამართლობა იქნება ეს, რადგან დემონთა მანქანებით ხშირად კეთილი განზრახვანიც ვერ აღწევენ მიზანს. ნურც უძლურებისათვის ყვედრი შენს მეუღლეს, რადგან მახვილში ყოველთვის არ არის ძალა.
link
image

თემა: ოჯახი,  ქება

767. მისაღებია თუ არა მეუღლისაგან ისეთი ადამიანის შექება, რომელიც არ უყვარს მის ქმარს?ვინც შენს ქმარს არ უყვარს, ნურც შენ შეუქებ მას ეშმაკური ზრახვით – გულისსატკენად. კეთილშობილ ცოლ–ქმარს, და მით უფრო – ცოლს, ყოველგვარ შემთხვევაში მართებს გულწრფელობა.
link
image

თემა: მწუხარება

86. ყოველგვარი მწუხარება და ნაკლულევანება ადამიანმა სიმშვდითა და მოთმინებით უნდა გადაიტანოს თუ არა?მამანო და დედანო, მთავარნო და ქვეშევრდომნო, მოხუცნო, ჭაბუკნო და ქალწულნო, ყოველგვარი ასაკის კაცნო! გადაიტანეთ ყოველი ნაკლულევანება, რომელიც ქონებასა და სხეულს შეეხება. მხოლოდ ერთს ნუ მოითმენთ, იმას, რომ ნაკლულევანება განიცადოს სწავლებამ ღმერთზე
link
image

თემა: მღვდლობა

34. რატომ ადგენს ეკლესია გარკვეულ ასაკს, რომელზე ადრეც მღვდლობის პატივის მიღბა ნებადართული არ არის? დავუშვათ, რომ რომელიმე უბიწო ადამიანი ავიდა სათნოების მაღალ საფეხურზე. მაგრამ ვერ ვხედავ, თუ რომელი სათადარიგო ცოდნის, რომელი ძალის მეოხებით დათანხმდა ის ასეთ წოდებას?რადგან უხელმძღვანელო ადამიანს, ყველაზე ცბიერსა და ცვალებად სულიერ არსებას – ეს არის ჭეშმარიტად ხელოვება ხელოვნებათა და მეცნიერება მეცნიერებათა... და ამისათვის რაოდენი განათლებაა საჭირო, რაოდენი ზედმიწევნითი და ღრმა ცოდნა გვმართებს ადამიანური ბუნებისა და სულისა, როგორი შორსმჭვრეტელობა, რაოდენი გამოცდილება! აი, რატომ არ არის მართებული მღვდლობის ძიება ახალგაზრდობაში; აი, რატომ ადგენს ეკლესია გარკვეულ ასაკს, რომელზე ადრეც ამ პატივის მიღება ნებადართული არ არის.
link
image
image
6
7
8