წმ. ნიკოლოზ სერბი (ველიმიროვიჩი) - ციტატები, ამონარიდები

ადამიანის ამპარტავნებას ისე არაფერი მოდრეკს, როგორც უპირატესისადმი მორჩილების ჩვევა.

ამპარტავანი მიწაზე დახოხავს და ამ დროს ჰგონია, რომ ცაში დაფრინავს, თავისი მუდმივი თვითკმაყოფილებით ღმერთსაც შეურაცხჰყოფს და ადამიანებსაც.

ვიდრე ადამიანი ღმერთს გონებით გამოიძიებს, იგი ვერ გაუმკლავდება დემონებს, მუდამ რომ დასცინიან ამაოდ ბრძნობას. მაგრამ საკმარისია ადამიანი ლოცვასა და მარხვას შეუდგეს, რომ იმავე დემონებს შიში შეიპყრობს. თუ ადამიანი ღმერთს გულწრფელი ლო... იხილეთ სრულად

ყველაზე უღირსი ადამიანიც კი ღმერთს ცხოვრებაში სამჯერ გაიხსენებს - როდესაც ხედავს მართალ ადამიანს, რომელიც მისი მიზეზით იტანჯება, როდესაც სხვისი მიზეზით თავად იტანჯება და როდესაც აღსასრულის ჟამი მოაწევს.

ღმერთს ადამიანი პრიმიტიული და მონოტონური არსებობისთვის არ შეუქმნია. მხოლოდ მიწის დამუშავება და მესაქონლეობა არ განუჩინა მას, უფალს ადამიანის სულიერი სრულყოფა ესათნოება.

უფლისთვის ცალკეული ადამიანი არანაკლებ ღირებულია, ვიდრე ქვეყნები და ერები, რამეთუ თითოეული სულის ცხონება მისი კეთილი ნებაა.

ღმერთი ადამიანს იმისათვის კი არ სჯის, რომ ადამიანის ტანჯვა მისთვის სასურველია, არამედ დასჯის მიზეზი ღვთაებრივი მიზანშეწონილობაა. მათ შორის ნათელია ორი რამ: ამ სასჯელით ცოდვილი გამოასწოროს და ცხონების გზაზე დააყენოს, ამავე დროს ცხა... იხილეთ სრულად

ღმერთმა განმხრწნელი ცოდვისა და სიკვდილისაგან მაცხოვრის ხელით გვიხსნა და ამით ბევრად უფრო მეტი წყალობა მოიღო, ვიდრე მაშინ, როდესაც არარსისაგან არსებად მოგვიყვანა. ხორციელი მშობლებიც, როცა თავის უძღებ, წარწყმედილ შვილს დაიბრუნებენ, ... იხილეთ სრულად

მშვიდობა ადამიანის სულში რომ დაივანებს, საზოგადოებას მთლიანად მოიცავს. ასევეა შფოთიც.

მშვიდობამ ჯერ ადამიანში უნდა დაივანოს, ამის შემდეგ იგი ადამიანთა შორის განივრცობა.