სულიერი მდელო - ციტატები, გამონათქვამები

უბედურებანი ისევე აუცილებელი და სათნომყოფელია სულისთვის, როგორც - ქარიშხალი და ხილული ბუნებისთვის.

თემა: სული,  უბედურება
წყარო: სულიერი მდელო

საშინელია ქუხილი, მაგრამ რა დაემართებოდა ატმოსფეროს მის გარეშე? მწარეა მწუხარება, მაგრამ რა დაბლა დაეცემოდა ადამიანის ბუნება ამ განმწმენდი ძალის გარეშე!

თემა: მწუხარება,  სიწმინდე, უბიწოება, უმანკოება
წყარო: სულიერი მდელო

განსაცდელები რომ არ არსებობდეს, ვერავინ ცხონდებოდა

თემა: განსაცდელები,  ცხონება, სასუფეველი, სამოთხე
ავტორი: აბბა ევაგრე
წყარო: სულიერი მდელო

საშინელებაა მწუხარების გარეშე დიდხანს დარჩენა. დამდგარი წყალი ჭაობად იქცევა, ქარიშხლები და ქარები კი აცოცხლებენ და შემოქმედებითად აღანთებენ მას.

თემა: განსაცდელები,  მწუხარება,  უბედურება
წყარო: სულიერი მდელო

ოქრო და ვერცხლი უცეცხლოდ არ განიწმინდება; ასევე სულიც, მწუხარებებისა და განსაცდელების გარეშე ვერ განიწმინდება ცოდვილი ვნებებისგან.

თემა: განსაცდელები,  ვნებები,  მწუხარება,  სული
წყარო: სულიერი მდელო

კეთილდღეობა მწუხარების გარეშე საშიშია: მეყსეულად მოეწევა ადამიანს უბედურება.

თემა: კეთილდღეობა,  მწუხარება,  უბედურება
წყარო: სულიერი მდელო

ადამიანური ბედნიერება ხშირად მუდმივი განსჯის მიზეზი ხდება

თემა: ბედნიერება
წყარო: სულიერი მდელო

ავადმყოფობისთვის ცუდის მომასწავებელი ნიშანია, როცა ექიმი უკვე ნებას რთავს, ის ჭამოს და სვას, რაც ესიამოვნება: როგორც ჩანს, ექიმმა უკვე მისი გაჯანსაღების იმედი დაკარგა და მას სიკვდილის გარდაუვალ მსხვერპლად მიიჩნევს. ზუსტად ასევე ექცევა ღმერთი ცოდვილსაც, რომელმაც ვერ შეძლო ესარგებლა მისი მადლის ნიჭით. მაშინ ნებას გვაძლევს, ვაკეთოთ ყოველივე, რაც ჩვენს გრძნობებს ეამება (ფს. 80, 12,13; რომ. 1, 21-24).

თემა: ავადმყოფობა, სნეულება,  განსაცდელები
წყარო: სულიერი მდელო

როცა მამა შვილს დაუსჯელად ტოვებს და თავის ნებაზე მიუშვებს, აშკარავდება, რომ მან ზურგი აქცია და განიშორა იგი; ასევე, როცა უფალი ადამიანს დატოვებს დაუსჯელად, იმის მიმანიშნებელია, რომ მან ღვთის წყალობისგან განაძევა იგი. და ასეთ ადამიანს სხვა არაფერი ელის, გარდა - საკუთარ თავზე მოწევნული ღვთის რისხვისა.

თემა: ღვთის მსჯავრი - სასჯელი,  ღვთის წყალობა, მოწყალება
ავტორი: წმ. ტიხონ ზადონელი
წყარო: სულიერი მდელო

მან, ვისაც სურს, თავიდან აირიდოს მომავალი უბედურებები, სიხარულით უნდა აიტანოს ის, რაც დღეს შეემთხვევა

თემა: განსაცდელები,  უბედურება
ავტორი: წმ. მარკოზ მოსაგრე
წყარო: სულიერი მდელო