ციტატები, ამონარიდები ჩანაწერებიდან, წიგნებიდან

დაე, გულწრფელად მოვინანიოთ. დაე, გულახდილად და დაწვრილებით ვაღიაროთ ცოდვები. დაე, გონება მუდმივად ღვთის სამსჯავროსა და მის განაჩენზე ფიქრით იყოს დაკავებული.

სიკვდილი გახსოვდეს, რათა შენი გული შეიმუსროს და გლოვა, ლმობიერება' და ცრემლი იშვას. ასე დაისადგურებს სულში სიმშვიდე და ის სულ სხვა, ნეტარ სამყაროში აღმოჩნდება!

მხნეობასა და მოთმინებას ნურასოდეს დაკარგავ!

ღმერთი ყველაფერს ჩვენი სიყვარულის გამო უშვებს

ბოროტი გულისსიტყვა იესოს ლოცვით განაგდე!

ცოდვას განეშორე და ეცადე სიწმინდე დაიცვა. სიმდაბლის სულითა და შემუსვრილი გულით ილოცე.

წყალი, ჩვეულებრივ, ცეცხლს აქრობს. თუმცა ღვთაებრივი წყალი, რომელიც მონანულის თვალებიდან მოედინება, არა ნივთიერ, არამედ ღვთაებრივ ცეცხლს აღაგზნებს და მტრის ღვარძლს შთანთქავს!

თუ გსურს, სიცოცხლის ბოლომდე მოშურნე იყო, ეცადე მუდამ იტირო. და თუ ასეთი ცრემლი გაქვს, ნუ გეშინია, ცხონების მხურვალე წადილი შენთან დარჩება.

მორჩილება, ნების მოკვეთა, თავის დადანაშაულება, ზოგადად მოთმინება არის სულის საძირკველი, ხოლო ცრემლი სულს მხურვალებას და მოშურნეობას უნარჩუნებს.

დრო გადის, წლები მიქრიან და მარადისობას სულ უფრო ვუახლოვდებით. ვხედავთ ამას, მაგრამ გონებრივი უმოქმედობა გვბოჭავს, სანამ ჯოჯოხეთში არ აღმოვჩნდებით, პირველად კი მე!