732. სხვა ქრისტესმოყვარე კაცმა იმავე ბერს ჰკითხა: ერთ ადამიანს საქმის თაობაზე ვედავები. რას მიბრძანებ, როგორ მოვიქცე? შეუპოვრად მოვითხოვო სამართალი, თუ მოვეშვა შეუპოვრობას და დავაც შევწყვიტო?
იხილეთ სრულად
შეეცადე, რაც შეიძლება სწრაფად განერიდო. რამეთუ მხოლოდ სრულყოფილ მამებს არ აღშფოთებენ შემთხვეული განსაცდელები. ხოლო უძლური, თუ არ იჩქარებს დავისაგან თავის დაღწევას, შემდეგ ნანობს და ხდება რა იძულებული, რომ მხოლოდ საკუთარი თავი დაადანაშაულოს, ღვთის გმობას იწყებს და სულს იღუპავს. მაშინ სრულდება მასზე ეს სიტყვა: „რაი სარგებელ ეყოს კაცსა, უკუეთუ სოფელი ყოველი შეიძინოს და სული თვისი იზღვიოს? (მათე 16, 26).
731. როდესაც ვხედავ, რომ მონაზონს ვიღაც შეუფერებლად ექცევა, მე ვღშფოთდები მასზე. კარგად ვიქცევი თუ არა?
იხილეთ სრულად
არაფერი არ შეიძლება იყოს კეთილი, რასაც შფოთი წარმოშობს, რამეთუ მისი მიზეზი ეშმაკის მოქმედება და თავის მართლებაა. ამრიგად, თუ აღშფოთდები, არაფერი თქვა, რადგან მასაც უფრო მეტად აღაშფოთებ, ბოროტება კი ბოროტებას ვერ აღმოფხვრის. ხოლო, თუ არ აღშფოთდები, მშვიდად უთხარი: „როგორ არ გეშიანია ცოდვისა, უსამართლოდ რომ ეპყრობი მონაზონს? ან იქნებ არ იცი, რომ ისინი ღვთის ხატს ატარებენ და ამით ღმერთს არისხებ?“ ასეთი თქმა ღვთისნიერი იქნება. ღმერთს კი აქვს მისი მორ...
730. სხვა ქრისტესმოყვარე კაცმა იმავე ბერს კითხა: თუ მონაზონი რაღაც საქმეში დახმარებას მთხოვს, მე კი მეჩვენება, რომ ეს საქმე ღვთისნიერი არაა, როგორ მოვიქცე?
იხილეთ სრულად
თუ საქმე ღვთისნიერი არაა, არ დაეხმარო, არამედ უარი უთხარი და სიმართლე აუწყე: „მე არ შემიძლია დაგეხმარო, რადგანაც მეჩვენება, რომ იმას მთხოვ, რაც არასამართლიანია“. თუკი საქმე ღვთისნიერია და სულს არ დაგიზიანებს, შეძლებისდაგვარად დაეხმარე მას და ამისათვის საზღაურს მიიღებ. არასოდეს არ მიიღო ისეთ საქმეში მონაწილეობა, რაც ზიანს მოგიტანს, რადგანაც ღმერთი არ ითხოვს შენგან იმას, რასაც შენი სულის დაზიანება შეუძლია.
729. როდესაც რომელიმე ბერი, ან საპატიო პიროვნება, ვის გვერდითაც ვარ, კითხვისას სიტყვებს არასწორად წარმოთქვამს, ან მახვილის ხმარებაში შეცდომებს უშვებს, ხოლო მე ეს მასზე კარგად ვიცი, ვუთხრა თუ არა?
727. როდესაც მამები რომელიმე საქმის განსჯას მომანდობენ, მე კი მაინცდამაინც ვერ ვენდობი საკუთარ თავს, როგორ მოვიქცე: უარი ვუთხრა, თუ დავთანხმდე მათ წინადადებას? ვთქვა ის, რასაც ვფიქრობ, თუ ჯერ მცოდნეებს ვკითხო და შემდეგ წარმოვთქვა ჩემი აზრი?
იხილეთ სრულად
რადგან მამები გიბრძანებენ, იმსჯელე საქმეზე და უთხარი მოკამათეებს, რომ შენ საქმეს ისე განსჯი, როგორც სამართლიანად გეჩვენება; ამასთანავე, შეეცადე შენი აზრი სამართლიანობაში განამტკიცო და გული ვინმესკენ ვნებით ან განწყობით არ გადახარო. არსებული სიმართლე ისე თქვი, როგორც შენ ხედავ. რამეთუ ღმერთი, რომელმან, მხოლომან იცის ჭეშმარიტება, ჩვენ თავისუფალ ნებას სჯის. თუ გსურს იმას ჰკითხო, ვინც შენზე კარგად იცის, მაშინ ესეც არ იქნება შეუფერებელი.
722. როდესაც მამებთან ერთად სადილობა მომიწევს და რომელიმე მათგანი წინამდებარე საჭმელს აკურთხებს, ჭამა რომ დავიწყო, უნდა ვუთხრა მას: „მაკურთხე“ და დაველოდო, სანამ ის ხელახლა მაკურთხებს ჭამისათვის, თუ პირველ კურთხევას დავჯერდე? ზოგჯერ, როდესაც ამას ვთხოვ, მისი გონება სხვა რამით არის დაკავებული და აყოვნებს პასუხის გაცემას, მე კი ყოველთვის ვწუხვარ ამაზე. ასევე, სანამ საკვებს შევეხები, ჯვარი უნდა გადავსახო მას თუ არა?
იხილეთ სრულად
მან ერთხელ უკვე აკურთხა საჭმელი და მეორე კურთხევის ლოდინი ზედმეტია. ასევე საკვების დაბეჭდვა, ანუ მასზე ჯვრის გამოსახვა, არაა აუცილებელი, რადგან კურთხევა იგივე ბეჭედია. ამიტომაც არ შეიძლება ეს, რათა მაკურთხეველს ან სხვა ვინმეს, აზრი არ აღეძრას, თითქოს შენ არ გწამს მისი კურთხევისა და ამის გამო არ დაბრკოლდეს.
721. როდესაც მამებთან მივალ და დარჩენას მაიძულებენ, მე კი აუცილებელ საქმეზე ვარ წასასვლელი, როგორ მოვიქცე?
იხილეთ სრულად
თუ ის მამები საქმეებზე ღვთისნიერად მსჯელობენ, მაშინ სიმდაბლით უთხარი მათ: „შენდობას ვითხოვ, მე აუცილებელ საქმეზე უნდა წავიდე“ და როგორც გეტყვიან, ისე მოიქეცი. არ დამძიმდე და გრწამდეს, რომ ყველანაირ შემთხვევაში ეს შენთვის სასარგებლოა. თუ ისინი ასეთები არ არიან, ხოლო შენი საქმე გადაუდებელია, მაშინ შეწყვიტე კამათი და თავი მოუხარე, რომ წახვიდე. ხოლო, როდესაც თავის მოხრის შემდეგაც შეეცდებიან შენს დატოვებას, მაშინ უთხარი მათ: „შემინდეთ, მე ვერ შევძლებ...
719. როდესაც მამებთან ან ერისკაცებთან ერთად ტაძართან ახლოს ვზივარ და სამწმინდაოს გავიგონებ, ავდგე და შევახსენო ჩემს გვერდით მსხდომებს თუ არა?
იხილეთ სრულად
თუ მამებთან ხარ, მაშინ როგორც ისინი მოიქცევიან, შენც ისე მოიქეცი; თუ შენზე უფროს ერისკაცებთან ერთად ზიხარ, და შენ იცი, რომ შეხსენების გამო დაბრკოლდებიან, მაშინ კარგია მათ სინდისს თუ გაუფრთხილდები და ისე მოიქეცი, როგორც ისინი მოიქცევიან. თუმცა, შენ შეგიძლია მჯდომარემ თქვა შენს გულში სამწმინდაო; ხოლო, როდესაც რაღაც ხელს გიშლის, მაშინ ხსოვნასაც შეუძლია მოქმედების შეცვლა. თუ შენთან მსხდომები უმცროსები არიან, მაშინ ადექი და წარმოთქვი სამწინდაო, ასე მა...
718. როდესაც ვლოცულობ ან ფსალმუნთა გალობაში ვვარჯიშობ და გულის უგრძნობელობის გამო წარმოთქმული სიტყვების ძალას ვერ ვგრძნობ, მაშინ რა სარგებლობა მოაქვს ასეთ ლოცვას?
როგორ უნდა ილოცოს ადამიანმა მოუკლებელად?
იხილეთ სრულად
თუ მარტოა, ფსალმუნთა გალობაში ივარჯიშოს და ბაგეებით და გულით ილოცოს; ხოლო თუ ვინმე სავაჭროდ, ან საერთოდ, სხვებთან ერთადაა, მაშინ მხოლოდ გონებით უნდა ილოცოს და არა ბაგეებით. ამ დროს თვალები უნდა დავიცვათ, რათა აზრების გაბნევასა და მტრის მახეებს თავი დავაღწიოთ.
