დაიწყე ათი მცნების შესრულება. მცირედიდან დაიწყე და დიდი მცნების აღსრულებასაც შეძლებ: პატარას ყოველთვის დიდთან მიჰყავს კაცი. დაიწყე თუნდაც მარხვა ოთხშაბათსა და პარასკევს, ან მეათე, უარყოფით აზრებსა და სურვილებს რომ ეხება და ყველა მცნების დაცვას შეძლებ. მაგრამ ვინც ცრუა მცირედზე, დიდშიაც გამტყუნდება.

link

ქრისტეს სახელი გულზე დაიდე და გაფრთხილდი, არ დაგეკარგოს, რადგან მასთან ერთად გულის სიმშვიდეც დაგეკარგება. დაცემის შემდეგ მწარეა თავიდან დაწყება, გაჭირდება ისევ მის სახელთან დაყუდება და ბევრს მდუღარე ცრემლის ღვრაც მოუწევს. მთელი ძალით მოეჭიდე ქრისტეს, შეიძინე და არ დაკარგო კურთხეული კადნიერება მის წინაშე.

link

დღემ რომ ღვთისნიერად, მშვიდობითა და უცოდველად ჩაიაროს, ამის ერთადერთი საშუალება დილით, ლოგინიდან წამოდგომის შემდეგ, გულწრფელი ლოცვაა. ასეთი ლოცვის შემდეგ ქრისტე, მამა ღმერთი და სული წმიდა ივანებს გულში და სულს სიმტკიცესა და ძალას ანიჭებს ბოროტთან შებრძოლებისას, მაგრამ ამისთვის გულის გაფრთხილებაა აუცილებელი.

link

როცა ღვთის გზაზე მიმავალს დაბრკოლება გხვდება, ეშმაკისგან დაგებული: ეჭვი, ურწმუნოება გულისა, ხანაც მრისხანება მათზე, ვინც უსიტყვოდ იმხახურებს სიყვარულს, პატივისცემას, ან სხვა ამნაირი ვნებები, არ შეშფოთდე, ასე იცოდე: - ესაა კვამლი და სიმყრალე ბოროტისა, რომელიც უფლის იესო ქრისტეს სახელის ერთი ხსენებისთანავე გაქრება!

link

ნებისმიერი სახელმწიფო ანუ საზოგადოება ერთი მთელიანი სხეულივითაა და როგორც სხეულის თითოეული ნაწილი, ღვთით თავის საჭირო ადგილზეა მორგებული, ასეა საზოგადოებაშიც, თითოეული ღვთისაა თავის ადგილზე დადგენილი. თუმცა ამასთანავე, თითოეული მათგანის კერძო ნამოქმედარი ხდება სწორედ მიზეზი იმისა, რომ ისინი ადგილებს იცვლიან.

link

ეს ქვეყანა ცოცხალი, ყოვლადბრძენი ღმერთის ქმნილება, სავსეა სიცოცხლით: ყველგან, ყველაფერში სიცოცხლე და სიბრძნეა, მისი აზრის გამოხატულება ჩანს როგორც მთელ სამყაროში, ასევე მის მცირე ნაწილებშიც. ეს გახლავთ ნამდვილი წიგნი, საიდანაც კაცმა შეიძლება ღმერთი შეიმეცნოს (იქნებ ისე ნათლად არა, როგორც გამოცხადებით, მაგრამ მაინც).

link

ხედავს და ესმის ჩემი სამნათლოვან ღმერთს: ესაა ყველაზე მაცოცხლებელი რწმენა, რომელიც გულშო მშვიდობითა და სიხარულით ივანებს. მხედავს ყოვლადწმინდა დედა ღვთისა, ესმის ჩემი ლოცვა და ოხვრა, ესაა მეორე მანუგეშებელი რწმენა, რომელიც მუდმივად მართლდება საქმით. ჰოდა, მეც ვივლი იმ გრძნობით, რომ ყველგან მხედავს და ყველგანაა უფალი

link

როგორაც სუნთქვაა აუცილებელი გვამისათვის, რაკიღა სუნთქვის გარეშე კაცი ვერ იცოცხლებს, ჩვენმა სულმაც, თუ არ ისუნთქა სული ღვთისა, ნამდვილ სიციცხლით ვერც ის იცოცხლებს. რაც რომ ჰაერია სხეულისათვის, ისაა ღვთის სული ჩვენი სულისათვის. ჰაერი, ერთგვარად, სახეა ღვთისა სულისა - "სულსა ვიდრეცა უნებნ, ქრის, და ხმაი მისი მესმის" - (იოან.3,8).

link

ღვთისმსახურისა და ღვთისმოშიშის გულს უხილავი, სულიერი ერთობა აქვს ღმერთთან. როგორც მამა და მკაცრი მრჩეველი, უფალი ხან გვიწონებს და ხანაც გვიწუნებს აზრებს, სურვილებსა და განზრახვებს. ხან ამბობს: ეს კარგიაო და ხანაც ეს ცუდიაო. კეთილისათვის გვაჯილდოვებს, ბოროტისათვის გვსჯის. და ეს ყველაფერი აკი სრულიად ნათEლია აქვე მიწაზე.

link

უდიდესი განძი, რაც ყველაზე მეტად გვჭირდება და რასაც ხშირად მოგვმადლებს ხოლმე უფალი ჩვენი მხურვალე ლოცვის შემდეგ, გულის მშვიდობაა და როგორც მაცხოვარი ბრძანებს: "მოვედით ჩემდა ყოველნი მაშვრალნი და ტვირთმძიმენი და მე განგისუენო თქუენ" (მათ.11,28) და ასეც იცოდეთ, თუკი მოგეცათ მშვიდობა გულისა, ყველაფერი გაქვთ, ყველაზე მდიდრები ხართ.

link