დროს დაუნანებლად ვფლანგავთ. როცა ამ სოფლიდან წავალთ, მაშინ მივხვდებით, დროის ხელიდან გაშვებამ როგორი ზიანი მოგვიტანა. დღეები ანგარიშმიუცემლად გადის. ისიც კი მაცხონებელი იქნება ადამიანისთვის, რომ ეს სიცოცხლის ბოლოს მაინც გააცნობიერ... იხილეთ სრულად
ნუ დაკარგავთ სიმხნევეს ახალი ბრძოლისთვის და წინ აღუდექით სიმხდალისა და ლაჩრობის ყოველ გულისსიტყვას.
ჩვენს ძალებს მუდმივი განახლება სჭირდება, ასევე საჭიროა წინააღმდეგობის გაძლიერება. ეშმაკიც ამგვარად იქცევა.
უნებლიე დაცემის გამო სასოწარკვეთა ნუ დაგეუფლებათ, თუნდაც ეს მუდმივად მეორდებოდეს. ჩვენი მიზანია, ზურგი არ ვუჩვენოთ მტერს, რომ ღვთის წინაშე არ იტრაბახოს და უფალი არ დავამწუხროთ.
სიმხნევე და სიმამაცე შვენით მებრძოლებს, როცა არა წარმავალი და ჭკნობადი, არამედ საუკუნო და უჭკნობი გვირგვინებისთვის იბრძვიან.
ნეტარია, ვისაც ანთებული ექნება ზეთით სავსე ლამპარი. ასეთები, მხიარულებითა და სულიერი ტკბობით აღსავსენი, ქრისტესთან ერთად საუკუნო ქორწილში შევლენ.
დიდი ბოროტებაა ძვირისთქმა. ხომალდს პატარა საჭე სასურველ მიმართულებას აძლევს, ასევეა ენაც; იგი ადამიანს ან სიკეთისკენ მიმართავს, ან ბოროტებისკენ. წმინდა მამები სასტიკად კიცხავენ სხვისი ცოდვის, ნაკლისა თუ ცუდი ჩვევის განკითხვას.
როცა ძმას განვიკითხავთ, დიდ ცოდვაში ვიგდებთ თავს. ხოლო თუ ძმის ცოდვას დავფარავთ, მაშინ ღმერთი ჩვენც დაგვიფარავს დიდი დაცემისგან. როცა სხვის ცოდვას ვააშკარავებთ, ღვთის მადლს განვდევნით ჩვენგან და საკუთარ თავზე იმავე ცოდვას მოვიწევთ... იხილეთ სრულად
ვინც ენას დაიცავს, ის თავის სულს დაიცავს დიდი ცოდვებისა და დაცემისგან.
ყველაზე მეტად შინაგანი განკითხვის, გულისსიტყვებით განკითხვისა გეშინოდეთ, რადგან ეს სხვისგან დაფარულია, ხმამაღლა არ ითქმება, რომ მსმენელმა შეძლოს მისი გამოსწორება.
