547. რომელიღაც საცხოვრებლიდან წამოსულმა ძმებმა, იმ მიდამოებში, სადაც ეს საერთო საცხოვრებელი მდებარეობდა, აბბას (სერიდის) რჩევის გარეშე, თავისთვის სენაკები იყიდეს. იგრძნო რა თავი შეურაცხყოფილად, აბბა სერიდს მათი გაძევება უნდოდა, ვითარცა წესის დამრღვევებისა, ხოლო ისინი შეეპასუხნენ მას. მაშინ იმავე ბერს ჰკითხეს: კარგად მოიქცნენ თუ არა ის ძმები და როგორ უნდა მოქცეულიყვნენ?
იხილეთ სრულად
შეპასუხებამ მრავალი ადამიანი დაღუპა, ამის მაგალითებს ყველგან ვპოულობთ, როგორც მაგალითად, დათანი და აბირონი, რომლებიც მოსეს დაუპირისპირდნენ, და, საერთოდ, ეს ცუდი თვისებაა. ის ძმები თუ თავის აბბას არ შეუშინდნენ, მაშინ ვიღასი შერცხვებათ? ხოლო, როდესაც ვინმეს არ რცხვენია - ეს აზრების აღშფოთების ნიშანია. ასეთ აღშფოთებას კი დემონის ჩაგონება წარმოშობს; რამეთუ ყველაზე ადრე ეშმაკი აჯანყდა, და ვინც იგივეს აკეთებს, ის მისი შვილია. რა შედეგი გამოიღო ამან? ის...
link
546. სანამ აბბა ბარსანუფი მდუმარებისთვის აბბა სერიდის საერთო საცხოვრებელში მივიდოდა, ერთი ძმა მას სხვადასხვა საკითხზე მიმართავდა ხოლმე, რომელიც შემდეგ წავიდა მისგან; შემდგომ საერთო საცხოვრებელში კვლავ დაბრუნებულმა ამ ძმამ, რომელიღაც კეთილკრძალულ ძმას, როგორც უმეცარ და უღირს ადამიანს, დამცირება დაუწყო; ბერისაგან კი ძველი გზის გასაგრძელებლად დამოძღვრა ითხოვა და უთხრა: ღმერთმა შენს სიწმიდესთან მომიყვანაო
იხილეთ სრულად
მოციქული ამბობს: „არა სიტყვითა არს სასუფეველი ღმრთისაი“ (1 კორ. 4, 20), და აბბა მაკარიმაც თქვა: „მართლმორწმუნეს და კეთილკრძალულ მოღვაწეს იესო ვნებებსა და დემონებს ხელში არ გადასცემს“. უფალმა თქვა: „მრავალნი ქურივნი იყვნეს დღეთა მათ ელიაისთა ისრაელსა შორის, და არავისა მათგანისა მიივლინა ელია, გარნა სარეფთად სიდონისა, დედაკაცისა ქურივისა“, თუმცა კი ის წარმართი იყო; და კიდევ თქვა: „მრავალნი კეთროვანნი იყვნეს ისრაელსა შორის ელისეს ზე, წინაისწარმეტყუე...
544. ერთ-ერთმა ძმამ დიდ ბერს ჰკითხა და უთხრა: მაქვს დოგმატური წიგნები და მათი კითხვისას ვგრძნობ, რომ ჩემი გონება ვნებიანი აზრებიდან დოგმატების შემეცნებაზე გადადის. ხოლო ზოგჯერ აზრი მათ კითხვას მიკრძალავს და მეუბნება: ნუ კითხულობ მათ, იმიტომ რომ გულფიცხელი და უწმინდური ხარ
იხილეთ სრულად
არ ვისურვებდი, რომ შენ ეს წიგნები იკითხო, რადგანაც ისინი გონებას საამპარტავნოდ ამაღლებენ; ამიტომ უმჯობესია ბერების გამონათქვამები შეისწავლო, რომლებიც გონებას ამდაბლებენ. ამას დოგმატური წიგნების დასაკნინებლად არ გეუბნები, არამედ მხოლოდ გირჩევ, რამეთუ სხვადასხვანაირი საკვები არსებობს.
543. ძმებმა, რომელთაც თავშეკავება სურდათ, ჰკითხეს აბბას, დართავდა თუ არა ის მათ ტრაპეზიდან ძმებზე ადრე ადგომის ნებას, ვინაიდან, დარჩენის შემთხვევაში, ძალები არ ჰყოფნიდათ სტომაქის დასამარცხებლად. როდესაც აბბამ მათ ნება დართო, ზოგიერთებმა ვერ გააცნობიერეს აქედან გამომდინარე სარგებელი და დაბრკოლდნენ, რის გამოც განიკითხეს ისინი და იმავე ბერს შეკითხვა გაუგზავნეს ამის თაობაზე
იხილეთ სრულად
ისინი საკუთარი სულების მიმართ ყურადღებით არიან და ამას თავშეკავებაში მოღვაწეობისთვის აკეთებენ, რათა ტრაპეზზე დარჩენის შემთხვევაში, სტომაქმა არ სძლიოს მათ. თქვენ კი უქმად ხართ, იმიტომ რომ მამათა სიტყვები არ შეისმინეთ, რომლებიც შეგვაგონებენ: „ნუ იტყვი: რისთვისაა ეს? არამედ საკუთარ თავს დაუკვირდი“. ისინი წინასწარმეტყველის სიტყვის აღსასრულებლად, გვირჩევენ არავინ განვიკითხოთ: „რაითა არა იტყოდეს პირი ჩემი საქმესა კაცთასა“ (ფსალ. 16, 4). თქვენ კი ისე და...
542. თუკი ვინმე ძმებთან ერთად ტრაპეზის დროს სხვებზე ადრე დანაყრდება, შეიძლება თუ არა, აბბასაგან კურთხევა აიღოს და ადგეს? თუ უნდა იჯდეს, სანამ სხვებიც ადგებიან? ანდა, ხომ არ აჯობებს, რომ მან თავისი წილი პური ყველა შემოთავაზებულ საჭმელზე გადაანაწილოს?
იხილეთ სრულად
თუ ვინმე ტრაპეზის დროს დანაყრდება, ჭამას აღარ აგრძელებს და ჯდომაც აღარ შეუძლია, მაშინ მას შეუძლია კურთხევა აიღოს და ადგეს. მაგრამ, უმჯობესია ტრაპეზის ბოლომდე დარჩეს; ხოლო ყველაზე უკეთესია, თავის წილი პური ყველა საჭმელზე გაანაწილოს.
541. ძმამ მეორე ბერს იოანეს ჰკითხა: ჩემო მამაო, ღვთის გულისათვის ილოცე ჩემთვის და მითხარი: კარგია თუ არა, როდესაც მამებს ჩვენთვის ლოცვას მრავალჯერ ვთხოვთ, მაშინ როცა უკვე დაგვარწმუნეს, რომ ამას აკეთებენ? და ისე ხომ არ ჩანს, თითქოს ჩვენ როგორღაც ვაბრკოლებთ მათ?
იხილეთ სრულად
ძმაო! მრავალჯერ მოგწერე ლოცვის შესახებ, რომ ღვთის მცნების თანახმად, ჩვენ ერთმანეთისთვის ლოცვა მოგვეთხოვება, განსაკუთრებით მაშინ, როდესაც ამას ვინმე გვთხოვს; ამიტომ, არ შეიძლება ჩვენი ძალისამებრ არ ვილოცოთ. მამებისთვის ლოცვების თხოვნა კი, რა თქმა უნდა, სასარგებლოა, რამეთუ ნათქვამია: „ულოცევდით ერთი-ერთსა“ (იაკ. 5, 16), და კიდევ: „არა უხმს ცოცხალთა მკურნალი, არამედ რომელნი ბოროტსა სენთა შინა არიან“ (ლუკა 5, 31). არ უნდა უგულებელვყოთ ეს და უნდა გვახ...
540. როგორ მოვიქცე, ჩემო მამაო, ბრძოლები მოსვენებას არ მაძლევენ და აზრები უფრო და უფრო მიჯანყდებიან. მითხარი რა არის იმის ნიშანი, რომ ღმერთს ვსასოებ და რა - ცოდვების შენდობის ნიშანი? როგორ ვიჯდე ღვთისნიერად სენაკში?
იხილეთ სრულად
ძმაო! ბრძოლების ჟამი, საქმიანობის ჟამია. ნუ უძლურდები, არამედ იღვაწე და იბრძოლე. თუ ის გაძლიერდა, შენც გაძლიერდი და მოუხმე: „უფალო იესო ქრისტე, შენ ხედავ ჩემს უძლურებას და წუხილს, შემეწიე და მიხსენ მე მტერთა ჩემთაგან, რამეთუ შენ შეგევედრე“ (ფსალმ. 141, 7; 142, 9), და ღმერთს წმინდა გულით რომ ემსახურო, ძალა ითხოვე. ღვთის სასოების ნიშანი ისაა, რომ ყველანაირი აზრი, რომელიც სხეულზე ზრუნვას გვაიძულებს, მოვიშოროთ და არამც და არამც არ ვიფიქროთ, თითქოს ამ...
539. ძმამ დიდ ბერს ჰკითხა: სასარგებლო იქნებოდა მისთვის მდუმარება თუ არა?
იხილეთ სრულად
თუ ღვთის გზაზე სვლა გსურს, პატივს ნუ ეძებ. რა არის ღვთის გზა, თუ არა მხოლოდ ის, რომ ადამიანმა ყველაფერში საკუთარი ნება მოიკვეთოს და საკუთარი თავი უკანასკნელად და ყველაზე უმცირესად მიიჩნიოს. ასეთი ადამიანი ამ გზით სიარულს შეძლებს, რადგანაც იცის, რომ ვინც საკუთარ ნებას არ უარყოფს და სასოებას უფალზე არ დაამყარებს, ამას ვერ გააკეთებს. ამ ადამიანზე სახარების სიტყვა აღსრულდება: „ითხოვდით და მოგეცეს თქუენ; ეძიებდით, და ჰპოოთ“ (მათე 7, 7). ამაში მდგომარე...
537. თუკი რომელიმე მამათაგანი, ვისთან ერთადაც გზაზე მივდივარ, ჩემი ბარგის ტარებას მოისურვებს და არ მომეშვება, რასაც მე ვერ დავუშვებ, რამეთუ ვინც ამას დაინახავს, დაბრკოლდება, რადგანაც ჩემი თანამგზავრი ჩემზე უფროსია, მაშინ როგორ მოვიქცე?
იხილეთ სრულად
სიმდაბლით მოუხარე ქედი, რომ მან შენი ტვირთის ტარების ნება დაგრთოს. თუ არ მოგისმენს, მაშინ კიდევ ერთხელ მოუხარე ქედი, და უთხარი: „შემინდე, ღვთის გულისათვის, ჩვენ ერთად ვერ ვივლით, იმიტომ რომ ვინც ჩვენ დაგვინახავს, დაბრკოლდება“; თუ შენი ქედმოხრის შემდეგაც თავისას გაიძულებს, მაშინ არ მოუსმინო მას, რამეთუ ეს ეშმაკის საქმეა.
