მამების მიერ ნაკურთხ ნივთს გლახაკს თუ მისცემ, ნუ დაეჭვდები, რამეთუ ეს მოწყალებაა. ასევე, უცხოტომელს თუ მისცემ (რამეთუ კურთხევა არანაირ ზიანს არ განიცდის უცხოტომელისაგან), პირიქით, ის მას კურთხევის თანამოზიარეს ხდის და შესაძლოა, ის ამ კურთხევის მეშვეობით, რომელსაც ღვთის ძალა აქვს, ჭეშმარიტების შეცნობამდე მივიდეს. ერთ მუსიკოსს, სახელად ფილიმონს, ხალხისაგან ფარულად, წმიდა მოწამე აპოლონის სახელით მსხვერპლის შეწირვა უნდოდა კერპებისათვის, რისთვისაც მოწამის ტანსაცმელი გადაიცვა, მაგრამ ტანსაცმელმა ის შინაგანად ისე შეცვალა, რომ თავად გახდა მოწამე.