შენს ნათესავებს ამ ბაღის ნამდვილი ფასი უთხარი და სთხოვე: „თქვენ იცით, რომ ჩვენ ყველანი ჩვენი მეუფეების და წმინდანების მოვალენი ვართ. თუ რამდენს გაუწყებთ ღმერთი დასახელებული თანხიდან, რათა წმინდა ადგილს შეწიროთ, ეს თქვენზეა დამოკიდებული“. ასე მისწერე და მათი ნებაა, შეასრულებენ თუ არა, შენ კი ამ საქმეში არავინ გისაყვედურებს. აღება იმისა, რაც სამართლიანია, სინდისს არ ამძიმებს და არც ცოდვაა, თუნდაც ის ღვთის სახლის სანაცვლოდ აიღონ; მაგრამ იმ ადამიანისათვის, რომელიც ნივთის მფლობელია და მასზე ხელმწიფება აქვს, უმჯობესია ის თავის ძალისაებრ ღვთის სახლისთვის დათმოს, რამეთუ მფლობელი ასეთი საქციელით გაცილებით მეტს იღებს. ხოლო თუ მას არ ძალუძს დათმობა, მაშინ ღმერთი ასეთ ადამიანს კეთილი ნების გარდა არაფერს სთხოვს. მოისმინა რა ეს ქრისტესმოყვარე კაცმა, გახარებული და ღვთის მადლობელი წავიდა.