ყველა ქმნილება, უტყვიცა და მეტყველიც, ზეციერიცა და მიწიერიც, შემოქმედს ადიდებს. საბრალო ადამიანები კი, ტოვებენ რა სახლებს და ტაძარში შეიყრებიან, რათა იქ რაღაც სარგებლობა მაინც მიიღონ, სმენას ღვთის სიტყვებს არ უმორჩილებენ, არ შეიცნობენ თავიანთ ბუნებას, არ განიცდიან, რომ მათზე ცოდვა ბატონობს, არ სწუხან, მოუხმობენ რა მეხსიერებაში თავიანთ ცოდვებს, არ ძრწიან წინაშე სამსჯავროსა, არამედ გაღიმებულები უწვდიან რა ერთმაენთს მარჯვენას, სამლოცველო სახლს გრძელი საუბრების ადგილად აქცევენ; ყურად არ იღებენ ფსალმუნს, რომელიც გვიდასტურებს და ამბობს, რომ „ტაძარსა წმიდასა მისსა თქუას ყოვლმან დიდება მისი“. შენ კი, არა თუ ადიდებ, არამედ სხვასაც აბრკოლებ, მიიპყრობ რა მის ყურადღბას და შენი ხმაურით სულიწმიდის მოძღვრებას ახშობ. უფრთხილდი, იქედან დასჯილი არ გამოხვიდე იმათთან ერთად, ვინც ღვთის სახელს აუგით იხსენიებს.