ავტორი:
წმ. ეპისკოპოსი გაბრიელი(ქიქოძე)
წმიდა მოციქული პავლე გვასწავლის რომ თუ კაცი ჩავარდა რომელიმე სასჯელში, უბედურებაში, იგი სწუხს, მაგრამ შემდეგ, თუ განიწვრთნა, ანუ გამოიცადა, ჭკუა იხმარა, ის სასჯელი მისთვის სასარგებლო შეიქმნება, ნაყოფსა მშვიდობისას გამოიღებს და სიმართლეს მოიგებს. უბრალო და კეთილი ყოფაქცევის კაციც რომ იყოს სასჯელში ჩავარდნილი, იგიც გამოიცდება, თუ ჭკუიანად მოიქცა და უმჯობესი შეიქმნება. მით უმეტესად, თუ დამნაშავე და ბოროტის მოქმედი კაცი დაისაჯა და სწუხს, მაგრამ ჭკუა იხმარა, მოითმინა, შეინანა, სასარგებლოდ გამოიყენებს თავისთვის სასჯელს და გამართლდება სულიერად.
|
|
|
