უკიდურესად საჭირო შემთხვევაში შეიძლება შემოკლება; სახელდობრ მაშინ, როდესაც მოყვასს ემსახურები ღვთის გულისათვის (ბერი ნაზარი ვალაამელი).
    წმ. თეოფანე დაყუდებულის აზრით, მხოლოდ რწმენაში განმტკიცებულ ადამიანებს შეუძლიათ შეამოკლონ ლოცვის წესი და არა ნებისმიერს, ვისაც მოესურვება, რათა რაც შეიძლება მალე მოიშორონ ლოცვა.
    ლოცვის წესის ხელისშემშლელი გარემოება ბევრნაირი შეძლება იყოს: ძლიერი ფიზიკური გადაღლილობა, შემთხვევითი მომსვლელი, მოუხერხებლობა მგზავრობის დროს და სხვა წინააღმდეგობა. ამ დროს შეგნებულად უნდა შევამოკლოთ ლოცვის წესი, სანამ ყველაფერი მოწესრიგდება. მაგრამ თავს ზედმეტი შვების უფლება არ უნდა მივცეთ (თავს სულ უნდა ვყვედრიდეთ), რათა სინდისმა არ გვამხილოს, რომ მეტი შეგვეძლო და დავიზარეთ.