სქემმონაზონი არდალიონა ამბობდა, რომ უნდა ვისწავლოთ, როგორ ავიტანოთ საკუთარი თავი. ამაზე ძალიან უნდა ვიზრუნოთ. მაგალითად ადამიანი ხშირად საკუთარი თავის მიმართ უსამართლოა და სურს ვნებებზე გამარჯვება; წუხს, ღელავს, ბრაზობს, როდესაც ხედავს, რომ იგივე ვნებები იპყრობს, რომელთა მოშორებაც გადაუწყვეტია. მაგრამ, განა სამართლიანია თავის თავზე ასეთი აღშფოთება? არა. ადამიანი საკუთარი ძალებით ვერასოდეს მოერევა ვნებებს - ჩვენში მათ ღვთის ძალა ამარცხებს. ამიტომ ლოცვაში უფალს უნდა ვთხოვოთ დახმარება.